రామవరప్పాడు రింగ్లో తప్పిన ప్రమాదం
రామవరప్పాడు రింగ్లో తప్పిన ప్రమాదం
కారు డ్రైవర్కు గుండెపోటు, స్కూటర్ను ఢీకొట్టిన వాహనం
విజయవాడ జూన్ 29, (వెలుగు నాడు ప్రతినిధి) : విజయవాడ నగరంలోని రామవరప్పాడు రింగ్ సమీపంలో ఒక ఘోర ప్రమాదం తప్పింది. కారు నడుపుతున్న వ్యక్తికి అకస్మాత్తుగా గుండెపోటు రావడంతో వాహనం నియంత్రణ కోల్పోయి, రోడ్డుపై వెళ్తున్న హోండా యాక్టివా స్కూటర్ను బలంగా ఢీకొట్టింది.సమయస్ఫూర్తితో ప్రాణాలు దక్కించుకున్న వాహనదారుడు. ఎదురుగా కారు వేగంగా దూసుకురావడాన్ని గమనించిన యాక్టివా నడుపుతున్న వ్యక్తి అత్యంత సమయస్ఫూర్తితో వ్యవహరించారు. ప్రమాదాన్ని ముందే పసిగట్టి ఆయన తన స్కూటర్ను అక్కడే వదిలేసి పక్కకు దూకేశారు. దీంతో కారు స్కూటర్ పైకి దూసుకెళ్లినప్పటికీ, సదరు వ్యక్తికి ఎలాంటి గాయాలు కాకుండా తృటిలో ప్రాణాపాయం తప్పింది. స్పందించిన స్థానికులు, పోలీసులు ప్రమాదం జరిగిన వెంటనే స్థానికులు, ట్రాఫిక్ పోలీసులు అప్రమత్తమయ్యారు. కారులో స్పృహతప్పి ఉన్న డ్రైవర్ను గమనించి, ఆయన్ను హుటాహుటిన చికిత్స నిమిత్తం సమీపంలోని ఆసుపత్రికి తరలించారు. ప్రస్తుతం ఆయనకు అత్యవసర వైద్య సేవలు అందుతున్నాయి. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
